វិធីតាមដានសម្ពាធឈាមដោយខ្លួនឯង

មនុស្សគ្រប់គ្នាតែងបារម្ភអំពីសុខភាពខ្លួន និងមនុស្សជាទីស្រលាញ់ ហើយនេះគឺជារឿងត្រឹមត្រូវ ដូចនេះ យើងត្រូវតែយក ចិត្តទុកដាក់ថែរក្សា សុខភាព និងគួរបន្ថែមចំណេះដឹងទាក់ទងនឹងសុខភាព ព្រោះវាអាចជួយខ្លួនឯង និងអ្នកជុំវិញខ្លួនបាន ទៀតផង។ ដូចពាក្យចាស់ថា “ការពារប្រសើរជាងព្យាបាល” ម្យ៉ាងវិញទៀត ពេលបច្ចុប្បន្ន ការរីកចម្រើននៃបច្ចេកវិទ្យា ក៏បានជួយ សម្រួលដល់ការពិនិត្យតាមដានសុខភាពដោយខ្លួនឯងដែរ។ តួយ៉ាង ដូចជា “ឧបករណ៍វាស់សម្ពាធ ឈាមអេឡិចត្រូនិច” បច្ចុប្បន្នមានច្រើនប្រភេទ ច្រើនម៉ាក ធ្វើឲ្យតម្លៃមានការប្រកួតប្រជែង នាំឲ្យមនុស្សស្ទើរគ្រប់គ្នា អាចមានលទ្ធភាព ស្វែងរកដើម្បីយកប្រើប្រាស់ផ្ទាល់ខ្លួនបាន ហើើយក៏ងាយក្នុងការអានលទ្ធផលលើអេក្រង់ដែលបង្ហាញ ដោយស្វ័យប្រវត្តិដែរ ។ មួយវិញទៀត លក្ខខណ្ឌដំណើរការសម្ពាធឈាមគឺសំខាន់ណាស់សម្រាប់សុខភាព ព្រោះវាអាចនាំ ឲ្យមានជំងឺលើសឈាម, បញ្ហាបេះដូង និងដាច់សរសៃឈាមបាន ជាពិសេសសម្រាប់អ្នកដែលលើសទម្ងន់ និងមនុស្សវ័យ កណ្តាល។ ហេតុនេះ ការតាមដានសម្ពាធឈាមទៀងទាត់គឺចាំបាច់ ហើយការវិធីនៃពិនិត្យក៏ត្រូវតែត្រឹមត្រូវតាមក្បួន វេជ្ជសាស្ត្រដែរ។ ដើម្បីទទួលបានលទ្ធផលនៃសម្ពាធឈាមត្រឹមត្រូវនឹងអាចយកជាការបាន អ្នកដែលពិនិត្យសម្ពាធឈាម ដោយខ្លួនឯងគួរ ពិនិត្យលើចំណុចដូចខាងក្រោម៖

• មុនពេលពិនិត្យ៖ រយៈពេល៣០នាទីមុនពេលពិនិត្យ មិនត្រូវជក់បារី, ផឹកភេសជ្ជៈដែលមានជាតិកាហ្វេអ៊ីន ឬ ហាត់ប្រាណនោះទេ។ ត្រូវបត់ជើងតូចឲ្យហើយ មិនត្រូវឲ្យមានទឹកមូត្រនៅក្នុងថង់ទឹកមូត្រទេ(ប្លោកនោម) និង ត្រូវសម្រាកយ៉ាងហោចណាស់៥នាទីមុនពេលចាប់ផ្តើម វាស់សម្ពាធឈាម។ 
• អង្គុយឲ្យបានត្រឹមត្រូវ៖ អង្គុយខ្នងឲ្យត្រង់ គួរអង្គុយលើកៅអីដែលមានខ្នងផ្អែកប្រសើរជាងលើសាឡុង។​ ជើងត្រូវ ដាក់ចុះក្រោម​ឲ្យត្រង់​បាតជើងត្រូវរាបស្មើរលើផ្ទៃកម្រាល និងមិនត្រូវខ្វែងជើង ឬ គងអន្ទាក់ខ្លានោះទេ។ ដៃត្រូវ ដាក់លើភ្នាក់ដៃកៅអី ឬ លើផ្ទៃតុ ដើមដៃ​ ឬ “ក” ដៃគួរមានកម្ពស់ស្មើរនឹងបេះដូង (អាស្រ័យលើឧបករណ៍ ដែលប្រើ តើពាក់នៅដើមដៃ ឬ ក ដៃ)។ ត្រូវពិនិត្យមើលការណែនាំពីវិធី ប្រើប្រាស់ឧបករណ៍វាស់សម្ពាធឈាម របស់លោកអ្នកឲ្យបានត្រឹមត្រូវ ព្រោះថាបច្ចុប្បន្ន ឧបករណ៍វាស់សម្ពាធ ឈាមស្វ័ប្រវត្តិក៏មានច្រើនសណ្ឋានដែរ ខ្លះអាចពាក់នៅដើមដៃ ខ្លះនៅ ក ដៃ និងជាមួយកម្មវិធីផ្សេងៗទៀតដែរ។
• ភាពទៀងទាត់៖ ដើម្បីតាមដានឲ្យបានត្រឹមត្រូវ នោះគួរធ្វើការវាស់សម្ពាធឈាមឲ្យបានទៀងទាត់រៀងរាល់ ថ្ងៃ គឺវាស់នៅពេលតែដូចគ្នារាល់ថ្ងៃ ដូចជា ពេលព្រឹក ឬ ល្ងាច។ 
• កត់ត្រាលទ្ធផលជាប្រចាំ៖ ការតាមដានត្រូវតែមានការកត់ត្រា ការកត់ត្រាទិន្នន័យនៃលទ្ធផលប្រចាំថ្ងៃ ប៉ុន្តែក្នុង ពេលតែមួយគួរយកលទ្ធផល ពីរ-បីផ្សេងគ្នាក្នុងការវាស់ម្តង។ លទ្ធផលទីពីរ ឬទីបី ដែលមានរយៈពេល១នាទីពីគ្នា រួចហើយត្រូវធ្វើការកត់ត្រាគ្រប់ទិន្នន័យទាំងនោះ។
• មិនត្រូវវាស់ពីលើអាវនោះទេ៖ ជាចំនុចមូលដ្ឋាន និងសាមញ្ញបំផុតតែក៏ត្រូវក្រើនរំឭកដែរ។ យើងមិនអាចទទួល បានទិន្នន័យត្រឹមត្រូវនោះទេបើសិនជាដាក់ប្រដាប់វាស់នៅលើអាច ឬ លើក្រណាត់ ឬ ទ្រនាប់ណាមួយនោះ។

របៀបអានលទ្ធផល

ដោយ៖ សូរីយ៉ាភ័ណ្ឌ