ក្នុងនាមជាជំនួយការកិច្ចការរដ្ឋបាលម្នាក់ តេីអ្នកគួរមានជំនាញ, ចំណេះដឹង, និងឥរិយាបថដូចម្តេចខ្លះ? ខាងក្រោមនេះជាសុជីវធម៌មួយចំនួនក្នុងពេលទទួល ទូរស័ព្ទ ៖
១. នៅពេលដែលទទួលទូរស័ព្ទ អ្នកគួរបែរចេញពីកុំព្យូទ័រ ឬ ការងារណាមួយដែលកំពុងធ្វេី (ដែលមិនទាក់ទងនឹងកិច្ចការដែលកំពុងនិយាយក្នុងទូរស័ព្ទ) ព្រោះវាធ្វេីឲ្យបែងចែកអារម្មណ៍, អ្នកស្តាប់គេអាចដឹងថា យើងយកចិត្តទុកដាក់ក្នុងការសន្ទនាជាមួយគេ ឬ ក៏អត់ វាមិនខុសពីការដែលយើងនិយាយគ្នាផ្ទាល់តែមិនមើលមុខគ្នានោះទេ
២. ត្រៀមជានិច្ចនូវ ប៊ិច /ខ្មៅដៃ , ក្រដាស ឬ ឧបករណ៍/សម្ភារៈ សម្រាប់កត់ត្រា
៣. លេីកទូរស័ព្ទនៅសម្លេងរោទ៍ទី២ ឬ ទី ៣
៤. ញញឹមពេលអ្នកលេីកទូរស័ព្ទបេីទោះជាអ្នកម្ខាង ទៀតមិនអាចឃេីញក៏ដោយ តែគេស្មានបានតាមសម្លេង (ការពិត)
៥. ប្រេីសម្លេងដែលសមរម្យពេលនិយាយទូរស័ព្ទ ការងារ មិនខ្លាំងពេក មិនតិចពេក មិនលឿន ពេក ហេីយក៏មិនយឺតពេក
៦. ត្រូវមានស្មារតីរីករាយ/រួសរាយ ស្វាហាប់ និង គោរព
៧. គារវៈ អ្នកទូរស័ព្ទមកដោយប្រាប់ឈ្មោះ, កន្លែងការងារ, និងផ្នែក (បេីជាភ្ញៀវខាងក្រៅ)
៨. សួរពីអត្តសញ្ញាណអ្នកដែលទូរស័ព្ទមក ដោយសមរម្យ
ឧ. អត់ ទោសលោកអញ្ជេីញមកពីខាងណាដែរ? អាចខ្ញុំសុំស្គាល់ឈ្មោះបានទេ?
៩. បន្ទាប់មកសួរថា "មានអ្វីឲ្យខ្ញុំជួយដែរ? "
១០. ចៀសវាង ការប្រេីពាក្យគ្រាមភាសា ឬ ពាក្យបង្កេីតថ្មីសម្រាប់លេងសេីច...ដែលពិបាកយល់
១១. ហៅឈ្មោះ ឬ ងាររបស់គាត់បន្ទាប់ពីបានស្គាល់រួច
១២. អនុវត្តជំនាញក្នុងការស្តាប់
១៣. បេីសិនជាមានបញ្ហាណាមួយ គួរបង្ហាញពីអារម្មណ៍បារម្ភ, យល់ចិត្ត, សោកស្តាយ និងសូមអភ័យទោស
១៤. អរគុណ ដែលគាត់បានទូរស័ព្ទមក និងសំណូមពរឲ្យគាត់ទូរស័ព្ទមកទៀត (បង្ហាញចិត្តរីករាយ និងស្វាគមន៍គ្រប់ពេល)
១៥. មិនត្រូវ ញ៉ាំ, ផឹក, ឬ ទំពារអ្វីទាំងអស់ពេលនិយាយទូរស័ព្ទ
ដោយ៖ សូរីយ៉ាភ័ណ្ឌ
